Ильхам Әлиев президент сайлауында жеңіске жетті

Әзірбайжанның орталық сайлау комиссиясы республикадағы президент сайлауының алдын-ала нәтижелерін жария етіпті.

Президент сайлауы 11 сәуірде өтті. Сайлауға сегіз кандидат қатысқан еді.

ОСК ақпаратына сенсек,

қазіргі президент Ильхам Әлиевтің шоқтығы тым биік, ол 86% дауыс жинаған екен. Әлиевті қолдап 3,2 млн азамат дауыс берген.

Екінші орында сайлауға өздігімен түскен Захид Орудж келеді әзірге. Оған 115,5 мың адам (3,1%) дауыс беріпті.