20 мен 29 шілде аралығында Қордай ауылында ұрылардың қолынан тұрғындар зардап шекті.
Бұл туралы Stan.kz хабарлады.
Облыстық ІІД баспасөз қызметінің мәліметінше,бетперде киген ұрылар үйден құнды заттар мен ақша ұрлаған.
20 шілдеде екі ұры таяқпен зейнеткерлерді ұрып, 100 мың теңге мен 500 евросын алып кеткен. Зейнеткерлер емханаға жеткізілді.
29 шілдеде екі ұры 45 жастағы тұрғынның үйіне түсіп, қызын ұрып-соғып, жіппен байлап, 50 мың теңгесін алып кеткен.
Тұрғындар арасында ұрылар адамдардың құлағы мен саусағын кесіп, қолтаңбасын қалдырып кетеді деген әңгіме тараған. Ол шындыққа жанаспайды. Облысты ІІД мұндай ақпарат таратқандардың жауапқа тартылатынын хабарлайды.
Қазір күдіктілерді іздеп жатыр. Іс облыстық ІДД-нің бақылауында.