Павлодар тұрғыны Руслан Гинатуллин “трансұлттық қылмыстық топ құрды” және “алауыздық тудырды” деп айыпталып, алты жылға сотталды. Сот Гинатуллинді жазасын қатаң режимдегі колонияда өтеу, одан сот сараптамасына кеткен шығынды өндіріп алу туралы үкім шығарды.
Сот материалы бойынша, Гинатуллин “ВКонтакте” әлеуметтік желісінде “экстремистік мазмұндағы” және “ұлт аралық алауыздық тудыруды” көздейтін бірнеше ведеоролик жариялаған. Үкімде бұған дейін тыйым салынған “Хизб-ут-Тахрир” исламшыл ұйымына мүше болды” деген айыппен сотталған Гинатуллиннің “бұл ұйым қатарынан шықпағаны”, “белсенді мүшесі болғаны” айтылады.
Жарыссөзде айыптаушы прокурор Гинатуллинді жеті жылға соттауды сұраған.
Гинатуллиннің адвокаты Бауыржан Азанов бұған дейін Азаттыққа сот материалдарында оның қандай да бір қылмыстық топқа немесе тыйым салынған ұйымға қатысы барына дәлел жоғын айтқан.