Хиджап киген оқушыны мектептен ешкім қуа алмайды. Заң солай – вице-министр
Егер бала мектепке діни ұстанымына сай киініп келсе, мұғалімдер оған ескерту жасап, ата-анасын шақырып түсіндірме жұмысын жүргізеді.
ҚР Білім және ғылым вице-министрі Эльмира Суханбердиева осы күнге дейін қандай да бір ата-ана атынан құзырлы мекемеге баласын киімі үшін мектепке кіргізбей қойды деген сипатта шағым келіп түспегенін айтты деп хабарлады Zakon.kz.
“Баланы ешкім де қуа алмайды. Заң бойынша солай. Баспасөз мәслихатынан кейін де барлық білім беретін мекемелерге осы негізде хабар жеткіземіз” – деді Суханбердиева.
“Осы негізде сот ісі болған. Онда мемлекет тарапы жеңді. Біз баланы бір рет, екінші рет, солайынан тағы үшінші рет ескертеміз. Ал одан кейін оқушы міндетті оқу киімін киюі керек. Біз баланы ата-анасының қолына береміз, олар оның үстіндегі киімді ауыстырып беруі керек. Ал былай, баланың үстінен киімді жұлып немесе шешіп алуға ешкімнің қақысы жоқ” – деді вице-министр.
Ол білім беру мекемелеріне бекітілген талап, соның ішінде оқушы киіміне қатыстысы конституциялық заң болып табылатынын баса айтты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе