Халықтың зейнетақы жинағы ақшасын жымқырған күдіктілердің аты-жөндері жарияланды
Бірыңғай жинақтаушы зейнетақы қоры ісі бойынша қамауға алынғандардың тізімі жарияланды.
Бірыңғай жинақтаушы зейнетақы қоры ақшасының ұрлығы бойынша қозғалған іске қатысты 4 адам 2 айға қамауға алынды деп хабарлады Tengrinews.kz.
“Алматы қаласы Алмалы аудандық соты „БЖЗҚ„ АҚ басқармасының төрағасы Руслан Ерденаевтың, „БЖЗҚ„ АҚ Қаржы тәуекелдерін басқару департаментінің бастығы Мұса Бахтовтың, „АлатауМұнайАлтын„ АҚ-тың қадағалаушы кеңесінің төрағасы, сондай-ақ “Бузгул Аурум” ЖШС-ның құрылтайшысы Бақытжан Кенжебаевтың, “Бузгул Аурум” ЖШС директоры Азат Найзағариннің жүріс-тұрысын шектейтін санкция шешімін жария етті”, – деп мәлім етті Алматы қалалық сотының ақпаратпен қамтамасыз ету бөлімінің бастығы Диас Махамбетов.
“Сот қаулысы бойынша күдіктілердің жүріс-тұрыстары уақытша шектеліп, 2 айға қамауға алу белгіленген”, – деді Диас Махамбетов.
Төртеуі де сот қаулысына наразылық білдірмек ниетте.
Айта кетелік, 6-қаңтарда Терентьев Ұлттық банктің көрсетуі бойынша сатып алынған құнды қағаздарға қатысты БЖЗҚ үстінен сотқа дейінгі тергеу ісі жүріп жатқанын мәлімдеген. Ол осыған қатысты БЖЗҚ басшылығындағылардың ұсталғанын хабарлаған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе