Халықаралық арнайы операция кезінде терроризмге күдікті 15 адам ұсталды
Қазақстан, Қырғызстан, Тәжікстан және Ресей елдері бірігіп өткізген «Чануб – 2016» шекаралық арнайы операция кезінде экстремизм және терроризмге күдікті 15 адам ұсталды. Бұл жөнінде Қырғызстанның мемлекеттік шекара қызметі хабарлайды.
Арнайы операция биылғы жылдың 6-29 маусым аралығында шекара аймағында үш кезеңмен жүрген. Бұл операцияға шекара қызметкерлерінен өзге төрт елдің құқық қорғау органдарының өкілдері де қатысқан.
«Чануб – 2016» операциясы барысында заңсыз мигранттар, террористік және экстремистік іс-әрекеттерге қатысы барлар, іздеуде жүргендер ұсталған. Сонымен бірге қару-жарақ, жарылғыш заттар, есірткілер тәркіленген.
Қырғызстанның шекара қызметі арнайы операцияға қатысушылар өздеріне қойылған міндеттерді толығымен орындап шықты деп хабарлайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе