Нұр-Сұлтан
Қазір
12
Ертең
13
USD
421
-2.14
EUR
499
-0.30
RUB
5.6
-0.04

Грузияда нашақорлар ереуілге шықты

Жастар ұйымының белсенділері Самтредиа қаласында осыдан бірнеше күн бұрын өз-өзіне қол салған 22 жастағы Демур Стуруаның қазасына байланысты наразылық білдірген. Стуруа ақтық сөзін жазып қалдырған хатында өзін полиция қызметкерлерінің бірі құқық органдарына мәлімет жеткізіп тұруға мәжбүрлегенін, оған келісім бермеген жағдайда үстінен қылмыстық іс қозғап, есірткі сақтаған және тұтынған деген айыппен қамаймыз деп қоқан-лоқы жасағанын баяндаған.

Наразылық акциясына қатысушылар Демур Стуруаның есірткіге тәуелді болғанын жоққа шығармайды. Алайда «Ақ қозғалыс» жетекшілері Грузия мемлекетінің есірткіге қатысты тым қатал, тіпті қатыгез саясаты полицияға есірткіге тәуелді адамдарды бопсалап қысым жасауға мүмкіндік туғызып отыр деп санайды.

Шеруге қатысушылар пиротехникалық гранаталар мен түтіндеткіш құтыларын жарып, одан соң полицияның күзет көліктерін ақ түске бояп, «мені өлтірмеңіздер – мен де адаммын» деген жазуы бар плакаттар жапсырған. Грузияның ІІМ-і «өзгенің мүлкін бүлдіру» бабы бойынша қылмыстық іс қозғады. Полиция автокөліктерін бояған жастар жазаға тартылуы мүмкін.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз