Google компаниясы жалған ақпарат таратқан сайттарды жазалайтын болады

15 қараша 2016, 19:00

Енді жуық арада мұндай порталдар ақылы жарнама беруден шектеліп, табыс көзінен қағылатын болады, деп хабарлайды Sky News-ке сілтеме жасаған „Хабар-24„ телеарнасы.

«Біз жұртты адастыратын, ақпаратты бұрмалайтын немесе шын ақпаратты жасыратын сайттарда жарнаманың көрсетілуін шектейміз», – деді компанияның баспасөз хатшысы.

Жалпы бұған АҚШ-та таяуда өткен президенттік сайлау кезінде тараған жалған ақпарат себеп болыпты. Бұл жаңалықта үміткер Доналд Трамптың Хиллари Клинтонға қарағанда, сайлаушылардың 700 мың дауысын артық жинағандығы туралы айтылды. Бірақ, шындығына келгенде, Трамп сайлаушылардың емес, сайлау алқасы мүшелерінің басым дауысын иеленді.