Қазақстандық кәсіпқой боксшы Геннадий Головкин Power радиостанциясындағы The Breakfast Club бағдарламасының жүргізушісіне сұхбат берді, – деп хабарлайды Vesti.kz.
Әңгіме барысында GGG алдағы жекпе-жегі жайлы және қарсыластарының деңгейіне қатысты айтылып жүрген сынға жауап берді.
“Боксшылардың маған неліктен жолағысы келмейтінін білемін. Бұл менің бас ауыртар мәселем емес. Менің бапкерімнен сұраңыз (Абель Санчес), бұл оның кінәсі”, – деп күлді ол.
Сонымен қатар, радио жүргізушісі боксшының жекпе-жек алдында секспен айналысуға деген көзқарасын сұрады.
“Бұл проблема емес. Секс — секс, ішу — ішу, таңғы асты ішу де — кәдімгі таңғы ас ішу болып қала береді. Бірақ жекпе-жекке бір апта қалғанда, секс туралы ойлай алмайсың, боксқа жан-тәніңмен берілуің керек”, – деді бұл сұраққа біздің боксшымыз.
Айта кетсек, 18 наурызда Нью-Йорктегі Madison Square Garden аренасында Головкин мен Джейкобс жекпе-жегі өтеді.