Амир Хан: “Головкинге шамам жетпейді”

«Шынымды айтсам, орта салмаққа ауысу ойымда жоқ. Себебі, орта салмаққа өтетіндей дене тұрқым ірі боксшы емеспін. Альвареспен жекпе-жек өткізу жайлы ұсыныс жасалған уақытта бұл мүмкіндікті жіберіп алмауға тырыстым. Ал одан кейін, Головкинмен кездесуді мүлдем ойлап отырған жоқпын. Өйткені, ол мен үшін тым үлкен және мықты боксшы. «Канелоны» бір амалын тауып жеңуге болады, ал Головкинге қандай тәсіл қолдансаң да, бәрі бекер», – дейді А.Хан.

Айта кетейік, Амир Хан 7 мамыр күні Лас-Вегаста мексикалық Сауль «Канело» Альвареспен (46-1-1, 32 КО) WBC чемпиондық белбеуін сарапқа салады. Бұл кездесудің жеңімпазы Геннадий Головкинге қарсы белбеуін қорғауы тиіс.