«Головкин нокаутқа түседі!». Мексикалық білгіш GGG жеңіледі деп 1000 доллар тігіпті
Рафаэль Рамирес деген кісі бар екен. Мексикалық бокс бапкері.
«Білгіш» маман наурызда өтетін Дэниэл Джейкобс пен Генадий Головкин жекпе-жегінен ақша тауып қалмақшы: Головкин жеңіледі, америкалық боксшы жеңіске жетеді деп, 1000 доллар тігіпті, деп хабарлайды vesti.kz.
“Мен бұл кездесуде Джейкобстың жеңісіне сенімдімін. Сондықтан Дэниэлдің жеңісіне мың доллар бәс тігіп отырмын. Қанша ақша ұтамын? Нақты білмеймін. Бірақ ұтыстың біршама болары анық. Джейкобс Головкинді бірінші раунда нокаутқа түсіреді деп айта алмаймын. Дегенмен де ол қашықтықтты сақтай отырып, Головкинді жеңіп кетеді”,
Айта кетейік, Головкин – Джейкобс арасындағы кездесуде букмекерлік кеңселер қазақстандық боксшыны анық фоварит деп, оның жеңісіне 1,15 коэффицент беріп отыр. Ал, Джейкобстың жеңісіне 6,5 коэффицент ұсынылған.
Головкин – Джейкобс жекпе-жегі 18 наурызда Нью-Йорктегі Madison Square Garden аренасында өтеді. Біздің елде жекпе-жек “Қазақстан” және KazSport арналарынан көрсетіледі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе