Ақтөбе облысының бұрынғы бас имамы Бауыржан Есмахан Қазақстан Мұсылмандар Діни басқармасының наиб имамы қызметіне тағайындалды.
Бұл туралы Aktobenews.kz сайты жазды. Сайт ол кісіні “гламур имам” деп атапты. Бірақ неге олай дегендерін түсіндірмеген.
Құрылтайға жиналған 300 делегат Серікбай қажы Оразға дауыс беріп, бірауыздан Бас мүфти лауазымына сайлады. Ал оның орынбасары қызметіне ақтөбелік Бауыржан Есмахан тағайындалды.
Әнші Ерке Есмаханның туған ағасы Бауыржан Есмахан 1975 жылы дүниеге келген. Діни білімді Түркиядағы Ыстамбұл қаласында алған. 2008 жылы “Құқықтану” мамандығы бойынша Жұбанов атындағы Ақтөбе мемлекеттік университетін тәмамдаған. Ұзақ уақыт бойы Ақтөбе облысындағы Қазақстан мұсылмандар діни басқармасының өкілі болған. Ақтөбедегі үлкен мешіт – “Нұр Ғасырда” бас имам болып қызмет атқарған.
2012-2016 жылдары Ақтөбе облыстық дін істері басқармасын басқарып отырған.