Геннадий жеңген боксшыларды Қанат та жеңеді – Бақтияр Артаев

Афины Олимпиадасының чемпионы Бақтияр Артаев кәсіпқой боксшылар Қанат Ислам мен Геннадий Головкинді салыстыруға болмайтынын айтты.

«Оларды салыстыру – араңдатушылық. Қанат – ерекше тұлға. Оны Генамен салыстыруға болмайды. Неге? Себебі ол – өз халқының, өз отанының жақтаушысы. Қанат қашан да өз еліне, өз жеріне тиесілі екенін айтып жүреді. Бұл тұрғыда біздің бір спортшымыз да ол сияқты бола алмайды. Ал Генамен қай жерлерін салыстырамыз? Қабілеттерін бе? Гена жеңген боксшыларды Қанат та жеңе алады. Бірақ бәрі уақытымен келеді», – деді Артаев.