WBC, WBA, IBF, IBO тұжырымдары бойынша əлем чемпионы Геннадий Головкин 35 жасқа толды.
Бүгін Геннадий Головкин 35 жасқа толды. Спортшы туған күніне орай бапкері Абель Санчесті Лос-Анджелесте түскі асқа шақырды.
“Сен ең танымал боксшы атандың. Қайсарлықтың үлгісі болдың. Әлемдегі мыңдаған жанкүйерің қолдап, өзіңнен сенімділік, еңбекке құштарық секілді қасиеттеріңді үйренуде. Сенің әр жеңісің – Қазақстан спортының мақтанышы. Барлық кезде бірінші бол! Деніңе саулық, ұзақ ғұмыр, отбасыңа табыс тілеймін”, – деп жазылған Қазақстанның бокс федерациясының сайтында.
Сол секілді әлеуметтік желі қолданушылары да Генаны туған күнімен құттықтап жатыр, оның ішінде отандастары да жылы лебіз көп білдіруде.
Бұған дейін Головкиннің келесі жекпе-жегі Астанада маусым айында өтеді жеп хабарланған еді. Алайда Сондерспен Головкин айқасы кейінге шегерілді. Қарсылас жақ бұған Головкиннің жарақат алуы себеп болғанын айтты. Ал, Головкиннің бапкері спортшының ауыр жарақат алғанын теріске шығарды.
Қазіргі уақытта Головкин WBC, WBA (Super), IBF және орта салмақтағы IBO титулының иегері. Оған абсолютті чемпион атану үшін Сондерстің илелігіндегідей WBO атағы ғана жетіспейді.