Гаухар Рахметәлиева 2006 жылғы “Қазақстан Аруы”. Ол 2007 жылы Мексикада өткен “Әлем аруы” байқауында бақ сынап еліміздің атын танытып қайтқан.
Сол жолы Гаухар сахнаға көтерілгенде киіп шыққан қазақтың ұлттық киімі “Әлем аруы” байқауындағы ең үздік 15 костүмнің санатына енген еді. Иә, солай.
Ал Гаухар Рахметәлиева осы байқаудан кейін бірден тұрмысқа шыққан. Уақыт оздырып жүріп алмапты. Қазақтың санын көбейтуді мақсат тұтыпты.
Жасы 30-дан жаңа асқан Гаухар Рахметәлиева 4 баланың анасы атанып, көп балалы ана статусына ие болып отыр екен. Өзі өте қарапайым дейді.
“Қазақстан аруы”, “Әлем аруы” байқауына қатысқанын бұлдамайды екен.
Оның мисс болғанынан тіпті жанындағы таныстары мен балаларының ұстаздары да хабарсыз екен. Осының өзі қарапайымдылық шығар.