Ғалымдар соңғы кезде еттің адам өміріне зиян екенін айтып дабыл қағып жатыр. Жуырда жүргізілген зерттеу жұмыстарының нәтижесінде қызыл етті көп жеген адамдардың өмірі қысқаратыны анықталды.
Бұл туралы gubdaily.ru басылымы хабарлайды, дейді stan.kz.
“Бұл көрсеткіштер дәлелденген зерттеулердің нәтижесін тағы да айқындай түскендей болды. Күнделікті рацион денсаулығымызға айтарлықтай әсер етеді”, – дейді Брукшилд Лоран.
Мамандар қызыл ет (сиыр, шошқа, құлын және жабайы аңдар еті) пен өңделген еттің (хот-дог, шұжық) жүрек-қан тамырлары, рак, қант диабеті сынды ауруларды асқындыратынын анықтады. Әсіресе, өңделген ет адам денсаулығы үшін қауіпті.
Аздаған ет денсаулығыма қауіпті емес деп ойласаңыз, қатты қателесесіз. Мамандар еттен бас тарту арқылы қан қысымының қалыпқа келіп, жоғарыдағы аурулардың алдын алуға болатынын айтады. Олар 17 жыл бойы ет жемеген адамның өмірі 3,6 жылға ұзарғанын анықтаған екен. Десе де, өміріңіз тек өзіңізге тиесілі. Оны қалай өткізетініңізді өзіңіз жақсы білесіз.
Сурет: altai.kz