Украина БҰҰ-ның Гаагадағы Халықаралық сотына Ресейдің үстінен шағымданды. Бұл туралы Украинаның сыртқы істер министрлігінің баспасөз хатшысы Марьяна Беца хабарлады.
Шағым терроризмді қаржыландырумен күрес конвенциясы аясында қаралады. Киев Ресейдің Қырымды аннексиялауы, Донбастағы жікшілдерді қолдауы арқылы осы конвенцияның ережелерін өрескел бұзды деп есептейді. Украина президенті Петр Порошенко жікшілдердің әрекетін терроризммен байланыстырды.