Франсис Пуленктің «Адам дауысы» атты монооперасы қазақ тілінде қойылады
20 ақпан күні Жамбыл атындағы Қазақ мемлекеттік академиялық филармониясының Үлкен залында француз композиторы Франсис Пуленктің «Адам дауысы» атты монооперасы қойылады.
Жан Коктоның пьесасы негізінде жазылған бұл лирикалық туынды психологиялық иірімдерге толы ХХ ғасырдағы опера өнерінің жауһары саналады. Бір ғана кейіпкердің тағдыры мен ішкі арпалысына құрылған бұл қойылым көрерменге жалғыздық, махаббат және қоштасу сезімдерін тереңінен сезінуге мүмкіндік береді.
Сахнадағы драмалық образды Қазақстанның еңбек сіңірген қайраткері Дәрия Жүсіп сомдайды. Қойылымда ол көрерменге актерлік ойынымен қатар вокалдық шеберлігін де паш етеді. Операны Қанат Омаровтың дирижерлігімен Т.Әбдірашев атындағы ҚР Мемлекеттік академиялық симфониялық оркестрі сүйемелдейді.
Қойылымның қазақ тілінде сахналануы – отандық өнер үшін маңызды қадам. Себебі көрермен қауымға классикалық туындыны ана тілінде тыңдап, түсінуге мүмкіндік береді.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз