ҚФФ президенті Ерлан Қожағапанов: “Отставкаға кеткен жоқпын, оқуға кеттім”

Бүгін Астанада Қазақстан футбол федерациясы атқару комитетінің мәжіліс өтті. ҚФФ-ның ресми сайты хабарлағандай, ҚФФ президенті Ерлан Қожағапановтың ұзақ мерзімдік оқуға кетуіне байланысты „ҚФФ атқару комитеті Федерация президентінің міндеттерін атқаруды Сейілда Икрамұлы Байшақовқа жүктеу туралы шешім қабылдады„.

Солақ екен, кейбір БАҚ „бұл футбол федерациясы президентінің отставкаға кетуін білдіреді„ деген ақпарат таратуға асықты.

– Ешқандай отставка туралы әңгіме әңгіме қозғалып отырған жоқ, – дейді Caravan.kz медиа-порталына хабарласқан Ерлан Қожағапанов. – Мен атқару комитеті мүшелерінен өзім оқуда болатын мерзімде ҚФФ президентінің міндеттерін ҚФФ-ның вице-президенті Сейілда Икрамұлы Байшақовтың атқаруын өтіндім.

– Кейбір БАҚ сізді отставкаға кетті-мыс деген ақпарат таратты.

– Шын мәнінде, біз барлығын өзіміздің ресми сайтымызда түсіндірдік. Сейілда Икрамұлы ҚФФ президентінің міндеттерін уақытша атқарады.

– Сіздің оқуыңыз қанша уақытқа созылады?

– Жарты жылға.