Нұр-Сұлтан
Қазір
2
Ертең
3
USD
450
-0.49
EUR
487
-1.57
RUB
4.86
0.00

Евро-2016 футбол додасының бас жеңімпазы 27 миллион евро ұтады

Жалпы, swim.by сайты келтірген дерекке сүйенсек, Еуропа чемпионатына қатысқаны үшін ғана 24 команданың әрқайсысы 8 миллион евродан алады.

Ал топтық кезеңдегі кездесуі үшін, оның ішінде, жеңгендері — 1 миллион евро, ал тең түскендері 0,5 миллион евро еншілейді.

1/8 финалға өткен команда — 1,5 миллион, ал ширек финалға өткені — 2,5 миллион, жартылай финалға жолдама алғандары — 4 миллион евро иеленеді.

Финалға шыққан құрамаларға 5 миллион евродан табыс етіледі. Ал турнирдің жеңімпазы қосымша 8 миллион евроны алады.

Осы жағынан алғанда, Евро-2016 футбол сайысының жеңімпазының жалпы табысы 27 миллион евроны құрамақ.

Екінші орындағысы 24 миллион, жартылай ширек финалда қалғандар шамамен 19 миллион евро табыс табады.

Ал УЕФА-ның өзі бұл сайыстан 450-500 миллион евро табыс алуымыз керек деп болжайды.

Соңғы 16 жыл ішінде футболдан өткен Еуропа біріншілігінің жүлде қоры 3 есеге өсіпті:

Евро-2000 = € 109 миллион
Евро-2004 = € 202 миллион
Евро-2008 = € 205 миллион
Евро-2012 = € 215 миллион
Евро-2016 = € 301 миллион

Еске сала кетейік, өткен аптада Франция жерінде Еуро-2016 футбол жарысы басталды. Төрт жылда бір өтетін додаға 24 мемлекеттің құрамасы қатысып жатыр.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз