Еуропа дүниежүзілік соғыстың аяқталғанын тойлап жатыр

Франк-Вальтер Штайнмайер мен Эммануэль Макрон ғана емес, олардың сүйікті жарлары да бір-біріне мейірлене құшақ жайды. Осылайша күллі әлемге достықтарын паш еткен көшбасшылар артынша қол ұстасып, Страсбург соборына Бетховен мен Дебюссидің шығармаларын тыңдауға кіріп кетті. Бұдан соң ескі жау, қазір айырылмас дос мемлекеттердің басшылары осыдан тура 100 жыл бұрын қанды шайқас болған жерлерді араламақшы.

Ал ағылшындар Бірінші дүниежүзілік соғыстың аяқталуын мыңдаған алау жағып атап өтіп жатыр. Әрі қаза тапқан жауынгерлерін қайғырып, еске алуда. Римдіктер болса, белгісіз солдаттың ескерткішіне гүл шоқтарын қойған. Осылайша, бір кездері өзара бақталас болған елдер бүгінгі достық пен татуластықтарын көрсетіп жатыр.