Еуропа COVID-19-дың таралуына байланысты жаңа шектеулер енгізуде

Бұл ереже Англия мен Уэльске ғана емес, жергілікті билік ұқсас шараларды қабылдаған Шотландияға да, Солтүстік Ирландияға да қолданылады. Бұл құрлықтық Испаниядан, сондай-ақ Канар және Балеар аралдарынан келгендерге қатысты.

Ең ірі Британдық Tui туроператоры Испанияның континентальды бөлігіндегі курорттарға туристік жолдамаларды  9 тамызға дейін сатуды тоқтатты. Бұл Испанияда жұма күні инфекцияның қайта өршіп,  900-ден астам  адамның вирус жұқтырғаны туралы хабарлауына байланысты болды.

El Pais газетінің хабарлауынша, елдің 52 провинциясының кем дегенде 30-ында індет жұқтырғандар саны өсуде. Карантиндік шектеулерді алып тастағаннан кейін бір айдан кейін Барселона, Сарагос және Мадридте коронавируспен ауығандардың саны артты.

Испанияда екінші толқын басталды ма?

Егер маусым айында Испания Денсаулық сақтау министрлігі күн сайын бүкіл ел бойынша 250-ге жуық адамның инфекция жұқтырғанын тіркеген болса, осы аптада күніне 1,5 мыңға дейін жаңа оқиғалар тіркелген.

Елде маусым айында Cоvid-19-да растаған ПТР-тестілерінің саны тек 1% -ды құрады, ал шілдеде ол 2,6%-ға өсті, делінген Our World in Data порталында жарияланған зерттеуде.

Каталония билігі алдағы екі аптада өңірдің барлық түнгі клубтары мен барларының жабылатынын хабарлады. Барселонада жағажайларға баруға шектеу қойылды, мәдени және спорттық іс-шаралар жойылды,  10 адамнан астам компанияға жиналуға тыйым салынады.

Андалусияда да түнгі мекемелерге шектеулер енгізілді, елдің көптеген провинцияларында міндетті маскалық режим енгізілді.

Мадридтегі Би-би-си тілшісі Гай Хеджкоу атап өткендей, билік жастардың арасында коронавирус жұқтырғандардың санының артуына аса алаңдап отыр. Олар карантиндік шектеулер алынып тасталғаннан кейін үлкен компаниялар болып түнгі мекемелерге бара бастаған.

Эпидемиолог Даниэль Лопес-Акуна Би-би-си-ге ел бойынша жұқтырғандардың орташа жасы артуы мүмкін, себебі «жастар вирусты жұқтырып, оны отбасының басқа мүшелеріне, соның ішінде егде адамдарға таратуда» деп атап өтті.

Еуропа алаңдап отыр

Испаниядағы жағдай Еуропаның басқа елдерінің алаңдаушылығын тудырды. Британия секілді Норвегия да басқа елден келгендерге карантиндік шараларды енгізді, ал Франция билігі азаматтарға Каталонияға барудан бас тартуға кеңес берді.

Бельгия өз азаматтарына испандық Уэск және Льюда  қалаларына баруға тыйым салды, сондай-ақ елдің кейбір басқа өңірлеріне бармауды ұсынды.

Британия СІМ азаматтарға мүмкіндігінше Испанияға барудан бас тартуға кеңес берді. Алайда, Испаниядағы британдықтарға пандемияға қатысты жергілікті ережелерді сақтауға және әдеттегі мерзімде қайтып оралуға кеңес берді.

Осы аптада Сovid-19 жұқтырғандар санының артқаны туралы ЕО-ның көптеген елінде айтылды. Дегенмен, еуропалық елдердің көпшілігі әзірге қатаң шектеулерді қайта енгізуден бас тартып отыр, алайда елге кіру ережелерін сақтайды немесе қатаңдатады.

Францияда сенбі күні жаңа жұқтырғандар саны қатарынан екі күн бойы 1000 адамға жетті, яғни жұқтыру жылдамдығы карантинді алып тастағанға дейінгі мамыр айындағы шамаға қайта оралды.

Осыған байланысты премьер-министр жоғары қауіп аймағындағы 16 елден келген барлық келушілерді тестілеу туралы хабарлады. Сондай-ақ, француз билігі өз азаматтарына Каталанияның испан аймағына барудан бас тартуды ұсынды.

Германияда жұма және сенбі күндері жаңа анықталған жағдайлардың өсуі байқалды — тиісінше 815 және 781, бұл мамыр айының ортасынан бастап ең жоғары өсім.

Неміс денсаулық сақтау министрі атап өткендей, ел жұқтыру деңгейі жоғары елдерден, соның ішінде АҚШ пен Бразилия, сондай-ақ Түркиядан келген барлық демалушылардың коронавирусқа тест тапсыруын міндеттеуі мүмкін.

Австрия дүйсенбіден бастап эпидемиологиялық жағдайы қолайсыз елдерден келушілерге кіру ережесін күшейтті: 32 мемлекеттен келушілер коронавирусқа теріс нәтиже көрсеткен ПТР-тестін ұсынуы қажет.

Бүкіл әлем бойынша вирус жұқтырғандар саны артуда

Дүниежүзілік денсаулық сақтау ұйымы (ДДСҰ) әлемде коронавирустың таралуына байланысты жағдай шиеленісіп тұрғанын ескертеді.

Әсіресе, Үндістанда қауіпті жағдай орын алып отыр, онда 1,3 млн адам вирус жшұқтырған, оның 100 мыңы соңғы екі күн ішінде тіркелген.

Сондай-ақ, эпидемиологтар пандемия әлі өршіп тұрған АҚШ пен Бразилиядағы жағдайға алаңдаулы.

Пандемия Африка елдерінде де қарқын алуда: ОАР-да жағдай нашар, онда 420 мыңнан астам жұқтыру жағдайлары тіркелген. Бұдан басқа, ДДҰ мәліметтері бойынша, індет құрлықта таралған сәттен бастап 10 мыңға жуық медицина қызметкері  коронавируспен ауырған.

Жұқтырғандар санының өсуі Оңтүстік Корея мен Жапонияда тіркелген.