Есік қаласының Еңбекшіқазақ аудандық сотында Жібек Мусинаны зорлады делінген күдіктілерге қатысты сот отырысы басталды.
Бұл туралы kaz.tengrinews.kz хабарлайды. Сотқа төрт ер адам қатысып отыр. Сот отырысы жабық тәртіпте өтіп жатыр.
Қылмыстық істе күдікті ретінде 22-29 жас аралығындағы төрт адам бар, олардың бірі Алматы тұрғыны. Қызды топ болып зорлады деген күдікке ілінген адамдарға Қылмыстық кодекстің төрт бабы бойынша айып тағу қарастырылған.
Алматы облыстық ІІД өкілдері төрт күдіктіге зорлау, адам ұрлау, сексуалдық сипаттағы зорлық-зомбылық және бұзақылық баптары бойынша айыптың тағылып отырғанын атап өтті.