Есеп комитеті мен “Қазақавтожол” лауазымды тұлғалары өз кінәларын мойындады
Бұрын ұсталған республикалық бюджеттің атқарылуын бақылау жөніндегі Есеп комитеті мен “Қазақавтожол” лауазымды тұлғалары өз кінәларын мойындап, істеген істеріне өкінді.
Бұл туралы ҚР Сыбайлас жемқорлыққа қарсы іс-қимыл ұлттық бюросының баспасөз қызметі хабарлады.
Бұрын хабарланғандай, “Қазақавтожол” мекемесінің жемқорлық іске тартылған аймақтық бөлімшелерінің басшылары Есеп комитетінің мемлекеттік аудиторларына пара беру үшін 16 миллион теңге көлемінде ақша жинауға қатысқанын мойындаған. Астана қалалық Алматы аудандық №2 сотының шешімімен Есеп комитетінің республикалық бюджетті орындауға бақылау жөніндегі мемлекеттік аудиторы А.Жәңгірбаева, “Қазақавтожол” бас директоры С.Мұқашев, оның орынбасары Е.Шәмішев, бөлім басшысы К.Әжіғұловқа қатысты қамауға алу түріндегі бұлтартпау шарасы таңдалды.
“Тергеу шараларының барысында Б.Қопобаева, С.Мұқашев, К.Әжіғұлов, Е.Шәмішев, Ш.Қорғанова және Б.Елемесов өз кінәларын толықтай мойындап, өз істеріне өкінді”, — делінген хабарламада.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе