Биыл 15-ші рет өтейін деп отырған білім сынағына 102 442 мектеп бітіруші қатысады.
Бұл туралы КТК арнасы хабарлайды.
Тестілеу шілденің 1-іне дейін жалғасады. Ал бағын сынайтын түлектердің ішінде қазақ тілінен тапсыратындар саны 77 мыңнан асып жығылады. 25 170 үміткер орыс тілін, 46-сы ағылшын тілін таңдаған. 6780 оқушы «Алтын белгімен», 4915 оқушы үздік аттестатпен бітірген.
Сонымен қатар, биылғы тест сұрақтарының 50 пайызға жуығы жаңарған.
“Өйткені, балалар нақты бір ақпаратты жаттап алып айтып беретін, немесе кім қашан туған деген осындай фактілерден біз жәй-жайдан кетуіміз керек. Өйткені, ҰБТ бойынша баланың ойлау қабілетін, баланың талдау жасау қабілетін баланың жалпы компетенциясын, біліктілігін білу үшін осындай тестілеу өткізуіміз керек”, деді ҚР Білім және ғылым вице-министрі.