Ол Евровидениеде «Beautiful Mess» әнін орындайды.
Кристиан Костов ресейлік әрі бұлғар әншісі болып келеді. Ресейдің «Голос. Дети» жобасының финалисі, Болгариядағы «X Factor» жобасының IV маусымында ІІ-орын алған деп жазады МК.
Иә, Кристиан – биылғы Евровидениеде өнер көрсететін ең жас әнші. Ол 2000 жылы Мәскеуде дүниеге келген. Шешесі Зәуренің Отаны – Қазақстан, ал әкесі бұлғар екен.
2013 жылы ол Ресейдегі «Голос. Дети» телебайқауына қатысады. Оның тәлімгері Дима Билан болған. Ол финалға дейін жетті, бірақ жеңіске аз қалғанда жобадан шығып қалады.
2015 жылы 15 жасында Кристиан Костов «The X Factor Bulgaria» телешоуының 4-маусымында өнер көрсетеді. Ол финалға шығып, Эмиль Димитровтың «Ако си дал» әнін орындап, ІІ-орын алды, ал І-орын Христиан Луизуға бұйырды.
Осы сайыста Кристианға нағашы атасы Сейфолла Қайдаров бата беріп, ақ жол тіледі.
Оны төмендегі видеодан тамашалауға болады.
Дима Билан «Евровидение» халықаралық байқауында Кристиан Костовтың орындайтын әні туралы былайша пікір айтты.
“Ғаламат ән таңдадық, ролигі де тамаша. Бүгінгі күнге сай – ән де видео да бәрі бар. Жастар, ақ пен қара түсте, қарғалар секілді. Бәрі дәмін келтіріп жасалғандай!”, – деді ол.