Ердоған өлім жазасын қайтаруды «дереу» қолға алмақ

Жексенбі, 16 сәуір күні өткен референдумда Түркия конституциясының 18 бабына өзгерістер енгізу қажет пе деген мәселе қаралды. Халық өзгерістерді құптаған жағдайда премьер-министрдің қызметі қысқарып,  президент вице-президенттер мен министрлерді, жоғары лауазымды шенеуніктерді өз еркімен тағайындай алады. Одан бөлек, президент төтенше жағдай жариялау және парламенттің басым даусымен ғана күші жойылатын жарлықтарды шығару құқығына ие болады. Ресми деректерге сәйкес, бюллетеньдердің 98 пайызын өңдеу қорытындысы бойынша, дауыс берушілердің 51,3 пайызы өзгерістерді енгізуді құптаған, ал 48,59 пайызы қарсы дауыс берген.

Дереккөз: ҚазАқпарат