Ер адам көңілдес болудан бас тартқан отбасылы келіншекті өлтіріп, денесін өртеп кеткен
Өрттен қаза тапты деген келіншектің пышақталғаны анықталды, деп хабарлайды ҚазАқпарат.
Сарыағаш ауданында полицейлерге 30 жастағы әйелдің тоқ соғу салдарынан қайтыс болғаны айтылған.
Үйдің өртеніп жатқанын 7 жасар баласы көріп, көршілерін көмекке шақырған. Жақындары әйелді өртте қаза болды деп ойлаған. Олар марқұмның денесін ақ матаға орап қойғандықтан полицейлердің тексеруін қаламайды. Алайда оларға оқиғаның мән-жайы түсіндіріліп, мәйітті тексеру керек екені айтылды. Тексеру барысында марқұмның екі жерден пышақталғаны анықталды.
Әйелді өлтірді деген күдікке алғашында күйеуі ілігіп, ұсталған болатын. Алайда тергеушілердің тыңғылықты жұмыстарының нәтижесінде нағыз қылмыскер артынша қолға түсті. Ол 1990 жылы туған Сарыағаш ауданының тұрғыны болып шықты. Тергеу барысында оның марқұм әйелге сезімі болғаны, алайда ол күйеуінің бар екенін айтып, көңілдес болудан бас тартқаны анықталды. Осыған ашуланған сезікті оны өлтіріп, өртеп жіберген. Қазіргі таңда оның үстінен Қылмыстық кодекстің 99-бабы («Адам өлтіру») бойынша іс қозғалып, қылмыс толығымен дәлелін тапты.
Іс сотқа жолданып, күдікті уақытша тергеу абақтысына қамалды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз