Фантастикалық киноларда соңғы кезде телепортация деген жиі қолданылып жүрген еді. Бұл қиялдағы мүмкін емес нәрсе көрінетін. Бірақ оны Қытай ғалымдары мүмкін етті, тіпті алғашқы сынақтары сәтті өтіпті.
Адамзат тарихында мұндай алғашқы сынақты “Мо-Цзы” квантты жер серігінің көмегімен жүзеге асыру мүмкін болған. Бұл туралы Қытай ғылым академиясына сілтеме жасап, Life.ru хабаралады. Қытай мен Австрияның физиктері “Мо-Цзы” квантты жер серігінің көмегімен алғашқы континентаралық телепортацияны жүзеге асырып, конференц-байланыс орнатты.
— Біз 1200 шақырым қашықтықтағы жерсеріктен Жерге квант кілтін бере алдық, сөйтіп орбиталық кванттық телепорацияның алғашқы сынағын өткіздік. Соның арқасында қазіргі байланыс сапасын 20 есе жақсартуға қол жеткіздік, – дейді ғалымдар.
Бұл арадағы ерекшелік – қос фотон да бір нүктеде орналасқан, тіпті арасындағы қаншама шақырым болса да. Осылайша бірншінің жайы екіншісінің жайына бірден әсер етеді. 90-шы жылдардың басында-ақ ғалымдар бұл құбылысты Жер шарының бір бұрышынан екінші бұрышына телепортация жасау үшін пайдалануға болатынын дәлелдеген, бірақ оны жүзеге асыру енді мүмкін болып отыр.
Ал кванттық байланыс кезінде белгіні ұстау мүмкін емес, сөздерді тыңдай алмайсыз. Өйткені квантты механика заңы жарық бөлшектерін клондауға тыйым салады.
Айта кетелік, алдында Қытай ғалымдары фотонды Жерден жерсерікке телепортациялап, жаңалық ашқан еді.