Елімізде мүгедектік туралы куәлік беру процесі электронды түрде жүргізілетін болады.
Бұл туралы Еңбек және халықты әлеуметтік қорғау министрінің орынбасары Светлана Жақыпова үкімет отырысында мәлім етті деп хабарлады „Хабар-24„ телеарнасы.
Светлана Жақыпова, ҚР Еңбек және халықты әлеуметтік қорғау министрінің орынбасары:
– Мүмкіндігі шектеулі азаматтар өзінің өтінішін электронды түрде жібереді. Құжатта оның аты-жөні тіркелмейді. Яғни, дәрігерлер науқастың денсаулығын тек медициналық көрсеткіштерге сүйеніп қана бағалай алады. Ал сараптама нәтижелері өтініш берушінің электронды кабинетіне 7 күн ішінде жолданады.