Еліміздің бес облысында тас жолдар жабылды
Ауа-райының күрт құбылып, көктайғақ болуына байланысты еліміздің бес облысында автожолдар жабылды.
Бұл туралы ҚР ІІМ Төтенше жағдайлар комитетінің баспасөз қызметі хабарлады.
Қарағанды облысында автокөліктің барлық түрлері бойынша барлық бағыттарға қозғалыс шектелді.
Павлодар облысында республикалық маңызы бар «Павлодар – Шарбақты» (0-112 км, Павлодар – РФ шекарасы) автожолында, Павлодар – Қарағанды және Павлодар – Өскемен шекарасы бағыттарында жолдар автокөліктің барлық түрлері бойынша барлық бағыттарға қозғалыс шектелген.
Ақмола облысында автокөліктің барлық түрлері бойынша республикалық маңызы бар «Екатеринбург-Алматы» трассасында Аршалы кентінен Қарағанды облысына дейінгі аумақ, 1330-1353 км тас жолында қозғалыс шектелген.
Алматы облысында республикалық маңызы бар Алматы – Өскемен жолының 558-615 километрлері аралығындағы учаске жолаушы және жүк автокөліктері үшін жабық.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе