Еліміздің басым бөлігінде дауыл соғады

Синоптиктер 13 мамырға арналған ауа райы болжамын жариялады, – деп хабарлайды “Қазгидромет” орталығы.

Мамандардың айтуынша, ертең, 13 мамырда атмосфералық фронттардың өтуіне байланысты Қазақстанның шығыс бөлігінде найзағай, жауын-шашын болады. Сонымен қатар, оңтүстік-шығыстың кей жерлерінде қатты жаңбыр жауады, батыс бөлігінде жауын-шашынсыз ауа-райы күтіледі. Республиканың кей жерлерінде дауыл, тұман күтіледі, бұршақ жаууы мүмкін.

“Жамбыл, Оңтүстік Қазақстан облыстарының кей жерлерінде найзағай, дауыл, желдің күші секундына 15-20, екпіні 23 метрге дейін күшейеді, бұршақ жаууы мүмкін. Алматы облысының кей жерлерінде найзағай күтіледі, түнде және таңертең жел күшейеді”, – деп ескертті мамандар.