Елімізде ыстықтың беті қайтпай тұр
Синоптиктердің болжауынша, атмосфералық фронттардың өтуіне байланысты бүгін еліміздің солтүстігінде, шығысында және орталығында ауа райы құбылмалы болады, кей жерлерде найзағай ойнап, өткінші жаңбыр жауады, жел күшейеді, бұршақ жауып, дауыл болуы мүмкін, солтүстікте түнде және таңертең тұман түседі, оңтүстікте күндіз шаңды дауыл көтеріледі, қалған аймақтарда күн ыстық болады.
Ақмола, Қостанай, Солтүстік Қазақстан облыстарының кей жерлерінде жел 15-20 м/с күшейеді, бұршақ жауып, дауыл болуы мүмкін, түнде және таңертең тұман түседі.
Шығыс Қазақстан облысының кей жерлерінде 15-20 м/с жылдамдықпен жел соғады, күндіз бұршақ жауып, дауыл соғуы мүмкін.
Павлодар облысында кей жерлерде жел 15-20 м/с күшейіп, бұршақ жаууы мүмкін.
Қарағанды облысының кей жерлерінде жел 15-20 м/с күшейеді.
Күндіз Жамбыл, Қызылорда облыстарында кей жерлерде шаңды дауыл көтеріліп, 15-20 м/с жылдамдықпен жел соғады.
Күндіз Алматы, Жамбыл, Оңтүстік Қазақстан, Қарағанды облыстарында аптап ыстық сақталады, кей жерлерде күн өте қатты ысиды.
Қызылорда, Атырау, Шығыс Қазақстан облыстарында, Маңғыстау, Батыс Қазақстан, Ақтөбе облыстарының кей жерлерінде аптап ыстық болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе