Елімізде күн күрт суытатыны хабарланды

“Қазгидромет” РМК ақпаратынша, алдағы үш тәулікте Қазақстанның басым бөлігінде күн күрт cуытады. Бұл оңтүстік-батыс тропосфералық ағындарының солтүстік-батыс бағытқа ауысуымен байланысты болып отыр.

“Соның әсерінен Баренц теңізі аймағынан арктикалық ауа массалары ығысады”, — делінген хабарламада.

Бірақ суық ауа массаларынан бұрын Қара теңіздегі циклон мен онымен байланысты атмосфералық ағымдардың әсерінен солтүстікте қар жауып, бұрқасындатады, қатты жел тұрады. Ал оңтүстікте тұман түсіп, көктайғақ болады.