Елімізде бір мемлекеттік грантқа 20 түлек таласып жатыр

5 тамыз 2016, 10:55

Кімнің мемлекет есебінен тегін оқитынын Астанадағы республикалық комиссия шешеді. Оған Білім министрі бастап бірқатар университет ректорлары қостаған ұзын саны 20 адам мүше. Тестілеуден жоғары ұпай алып, конкурсқа қатысу үшін құжат өткізген 60 мыңға жуық түлектің тізімін алған комиссияның жұмысы қызу. Олар мемлекеттік білім грантын студенттерге бірнеше күннің ішінде үлестіріп беруі тиіс.

Ерлан Сағадиев, ҚР Білім және ғылым министрі:

-Конкурсқа 59 677 адам қатысуда. Оның 47 342-сі қазақ тілінде білім алғандар. Білім грантынан үміткерлердің арасында 2 208 «Алтын белгі» иегерлері бар. 303-і – колледж түлегі, 169-ы – халықаралық, республикалық олимпиадалардың жеңімпаздары.