Нұр-Сұлтан
Қазір
-3
Ертең
2
USD
448
-0.34
EUR
492
-4.50
RUB
5.74
+0.10

Елден ақша қайда кетіп жатыр? 2019 жылы шетелге 500 млрд теңге шығарылды

202

Ұлттық банк мәліметі бойынша, 2019 жылдың қазан айында ақша аудару жүйесі арқылы шетелге жіберілген аударым көлемі 66,6 млрд рубльді құрады.

Кері бағытта ақша аударымдары – 29,4 млрд рубль. Айырмашылық — 37,2 млрд рубль және бұл рекорд.

Соңғы жылдары Қазақстаннан ақша аударымдары тұрақты өсіп келеді, соңғы айларда алшақтық тіпті ұлғаюда:

• 2019 жылдың наурыз-сәуір айларында шамамен 58%-ға көп;
• мамырда — 89%-ға;
• маусымда — 99-ға%;
• шілде және тамызда — 2,1 есе;
• қыркүйек және қазанда — 2,3 есе.

Ресейге аударымдар азайып, Түркияға өсіп келеді

2019 жылдың қазан айындағы аударым көрсеткіші нағыз рекорд орнатты. Сонымен қатар, 4 ай қатарынан шетелге жөнелтімдер көлемі 60 млрд теңгеден асады. Бұрындары бұл меже бір рет ғана алынған болатын: 2018 жылдың қазан айында — 61,6 млрд.

Барлығы 10 айда шетелге 539,6 млрд теңге жөнелтілді

2018 жылдың ұқсас кезеңінде көрсеткіш 499,2 млрд. құраған болатын. 2017 жылы — 398,8 млрд теңге.

Бұл ретте аударымдардың едәуір әртараптандырылуы байқалады. Жыл ішінде мына елдерге жіберілген қаражат көлемі өскен:

• Өзбекстанға — 24% (10 айда 119,5 млрд теңгеге);
• Қырғызстан — 30% (70,5 млрд-қа дейін);
• Түркияға — 32% (75,5 млрд);
• Тәжікстанға — 32% (11,6 млрд дейін).

Орталық Азия елдері мен Түркияға аударымдардың өсуі Қытай (бір жыл ішінде 17%-ға — 10 айда 29,7 млрд теңгеге дейін) және Ресей (10,4%-ға — 171,5 млрд теңгеге дейін) бағытындағы құлдырауды өтеуге мүмкіндік берді.

Жалпы, РФ ақша аудару жүйесінде сұранысқа аз елдердің қатарына кіріп келеді.

2018 жылдың ақпан айында барлық шетелдік аударымдардың 47,7% Ресейге кетті. 2019 жылдың қазан айында үлес 28,7%-ге дейін төмендеді.

Ресейде ақша аударылмайды

Ресейден Қазақстанға жіберілетін қаражат көлемінің үлесі де азайып барады. 2017 жылдың шілде айында барлық аударымдардың 65,5%-ы РФ келді, 2019 жылдың қазан айында — 33,7%. Бұл алынған қаражаттың күрт төмендеуі аясында орын алды:

• 2017 жылы орташа есеппен Ресейден Қазақстанға ақша аударым жүйелері арқылы 14,4 млрд теңге жіберілді;

• 2018 жылы – 15,1 млрд;

• 2019 жылғы қаңтар-қазанда — көрсеткіш 11,2 млрд теңгеге дейін төмендеді, ал соңғы үш ай ішінде 10 млрд-қа.

Жалпы, биылғы жылдың 10 айында РФ-дан Қазақстанға 122,3 млрд теңге жөнелтілді — былтыр осы кезеңде 149,3 млрд.теңге болған. Бұл төмендеу бірінші кезекте Цетробанк тарапынан шектеулермен түсіндіріледі.

Биылғы көктемнен бастап Қазақстанға айына 150 мың рубльден аспайтын сома ғана жіберуге болады

Бұл шараның мақсаты — көлеңкелі саудаға қарсы күрес.

Екінші жағынан, қазақстандықтар мына елдерден көп ақша аударылады:

• Кореядан (2019 жылдың 10 айында + 23% — 54,5 млрд дейін);
• Өзбекстаннан (+39% — 25,4 млрд-қа дейін);
• АҚШ-тан (+48% — 15,8 млрд.);
• Германиядан (+16% — 10 млрд теңгеге дейін).

Алайда, тіпті осы елдерден түскен аударымдар жиынтығы Ресейден түскен түсімдердің төмендеуін жаба алмайды.

Қорытынды ретінде: 2019 жылдың 10 айында Қазақстанға басқа елдерден ақша аударымдары жүйесі арқылы 289,7 млрд теңге аударылды. Бұл 2018 жылдың сәйкес кезеңіне қарағанда 3,6 млрд-қа аз.

Мұндай көрсеткіштер ақша аударымдары жүйесіндегі Қазақстанның донорлық рөлін барынша айқын бейнелейді

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз