Елбасы Жарлығымен Ұлттық қордан банк секторын сауықтыру үшін 1 триллион теңге бөлінеді
ҚР Президенті Нұрсұлтан Назарбаев банк секторын сауықтыру үшін Ұлттық қордан ақша бөлу туралы қаулыға қол қойды.
Елбасы қол қойған құжат ҚР нормативтік құқықтық актілерінің ақпараттық-құқықтық жүйесі “Әділет” порталында жарияланды.
“Қаулы етемін: Қазақстан Республикасының Ұлттық қорынан банк секторын сауықтыру үшін республикалық бюджетке 2017 жылға 1 (бір) триллион 92 (тоқсан екі) миллиард 941 (тоғыз жүз қырық бір) миллион 288 (екі жүз сексен сегіз) мың 400 (төрт жүз) теңге бөлу”, – делінген ҚР Президентінің қаулысында. Сондай-ақ, құжатта қаулының оған қол қойылған күннен бастап жүзеге асырылатыны айтылады.
Айта кетейік, ақпан айының ортасында ҚР Ұлттық банкінің төрағасы Олег Смоляков үкіметтегілердің банктегі несиелердің проблемасын шешу үшін 2 триллион теңге бөлу туралы шешімін айтқан болатын. Ал қаңтар айының соңында Қазақстан Президенті жыл сайынғы Жолдауында еліміздегі қаржы секторы жұмысын сауықтыру қажеттігін айтқан болатын.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз