Елбасы Жамбыл облысында қаза тапқан сарбаздардың отбасына көңіл айтты
Елбасы Қорғаныс министрлігіне Жамбыл облысындағы оқыс оқиғадан қаза тапқан сарбаздардың жанұясына барынша қолдау көрсетіп, көмек беруді тапсырды.
Мемлекет басшысы Нұрсұлтан Назарбаев Қазақстан халқы және өз атынан Жамбыл облысында әскери жаттығулар кезінде қаза тапқан әскери қызметкерлердің туған-туыстары мен жақындарына көңіл айтты. Бұл туралы Ақорданың баспасөз қызметі хабарлады.
“Жамбыл облысында қар көшкіні салдарынан болған қайғылы оқиғаны естіп, қатты күйзелдім. Олардың әрқайсысы әскери борышын соңына дейін өтеген еліміздің нағыз патриоттары”, — деді Елбасы ҚР Қауіпсіздік кеңесінің отырысында.
“Мемлекеттік комиссия болған оқиғаның себептерін анықтауда. Болашақта мұндай қайғылы жайттар орын алмас үшін барлық қажетті шараларды орындаймыз”, — деп қорытты өз сөзін Президент.
Сондай-ақ Елбасының төрағалығымен өткен ұлттық қауіпсіздік жөніндегі жиынның күн тәртібінде басқа да бірқатар мәселелер қамтылды.
Атап айтқанда, 2012-2016 жылдарғы ҚР Ұлттық қауіпсіздік стратегиясының жүзеге асыру қорытындысы мен келесі кезең талаптары туралы, сондай-ақ әскери-техникалық саясаттың кейбір алғышарттары, „ЭКСПО-2017„ халықаралық көрмесін өткізу және оған дайын кезінде қауіпсіздікті қаматамасыз ету шаралары сөз болды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе