Елбасы Қарағанды облысы Шахан кентінде болған төтенше жағдайға байланысты көңіл айтты.
Бұл туралы Ақорданың баспасөз қызметі хабарлады.
“Мемлекет басшысы Қарағанды облысы Шахан кентінде көп пәтерлі үйдің кіреберісі құлап, адам шығынына әкеп соқтырғаны туралы хабарды зор күйзеліспен қабылдады. Нұрсұлтан Назарбаев қаза болғандардың туыстары мен жақындарына көңіл айтып, зардап шеккендердің тезірек сауығып кетуіне тілектестік білдірді” делінеді хабарламада.