Елбасы арзан баспананың алдымен кімдерге берілетінін айтты
Баспана барлығына бірдей бұйырмайды. Бүгін Батыс Қазақстан облысына барған президент Нұрсұлтан Назарбаев «7-20-25» бағдарламасы бойынша кімдерге басымдық берілетінін айтты.
Сочиде өткен Еуразиялық экономикалық одақ елдерінің саммитінен кейін жол жөнекей Оралға соққан Елбасы мұнда қала тіршілігімен танысты. Айтуынша, өзеннің қоршауындағы экологиялық таза қала, ауыл шаруашылығын дамытуға өте қолайлы жер. Жергілікті шенділер де қарап қалмады.
Өңірдің мақтауын асырған облыс әкімі Назарбаевқа ет өңдейтін зауыт пен жиһаз фабрикасы және ғимараттардың сыртын қаптауға қажетті материал шығаратын кәсіпорынның жұмысын көрсетті. Осы жерде президент қол жетімді баспананың құрылысына тоқталды. «7-20-25» бағдарламасымен шаршы метрді тек мұқтаждар ғана алады деді Назарбаев.
“Қол жетімді баспанамен қамтамасыз ету. Пәтері барлар бұл тізімге кірмейді, біздің халық ақылды, арзан бағада пәтер сатып алып, оны жалға беріп, айлық алып отырады. Жоқ! Кімде жоқ – соларға береміз. Сондықтан, бұл тізімге негізінен жастар кірмек”, деді Елбасы.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз