Әлеуметтік желіде адам секілді жуынып жатқан тышқанның видеосы пайда болып, көптің таң қалысын туғызған.
Бұл видео шетелдік ғалымдардың да назарын өзіне бұрып, оның сыры ақыры ашылды деп хабарлады The Independent.
Айта кетелік, видеода екі аяғымен тік тұрған ірі тышқан екі қолымен денесін сабын көпіршіктерімен ысқылап, жуынып жатқанын көруге болады.
Хельсинск университеті биологтары видеодағы аң тышқан да, атжалман да емес екенін айтады. Ол жауыз кеміргіш түріне жататын пакаран деген аң екен.
Екі аяғымен жүріп-тұратын бұл кеміргіштің түрі Колумбиядан бастап Батыс Боливияға дейінгі аралықтағы тропикалық ормандарды мекен етеді. Ал роликтің өзі Перу қаласында түсіріліпті.
Ғалымдардың айтуынша, кеміргіш жуынып жатқан жоқ. Денесіндегі өзіне үйреншікті емес сабын көпіршіктерінен құтылу үшін жанталасып бағуда. Тек сырттай қарағанда жуынып жатқан адамға ұқсайды.