Екатеринбор-Алматы тас жолында орын алған ірі көлік апатына қатысты тың мәлімет жарияланды
Қостанай облысында Екатеринбор-Алматы тас жолында рейстік автобус пен жүк көлігінің соқтығысуы кезінде зардап шеккендерге қатысты жаңа мәлімет жарияланды.
Екатеринбор-Алматы тас жолында тіркелген жол-көлік оқиғасы кезінде қаза болғандар арасында Ресей Федерациясының екі азаматы бар. Бұл туралы ҚР ІІМ төтенше жағдайлар комитетінің ресми өкілі Руслан Иманқұлов мәлімдеді деп хабарлайды ҚазАқпарат.
– Автобуста 44 жолаушы, екі жүргізуші, жүк көлігінде бір адам болған. Жол-көлік оқиғасынан 37 адам зардап шекті, олардың алтауы қаза тапты: екеуі РФ азаматы, үшеуі ҚР азаматтары, біреуінің аты-жөні анықталып жатыр. Ауруханаға 8 адам жатқызылды, оның бесеуі – РФ азаматы, үшеуі – ҚР азаматы. 23 адамға медициналық көмек көрсетілді, оның ішінде еліміздің, Ресейдің және Тәжікстан азаматтары бар, – деді ҚР ІІМ төтенше жағдайлар жөніндегі комитетттің ресми өкілі Руслан Иманқұлов.
Қостанай облысының төтенше жағдайлар жөніндегі департаменті ірі жол апатына байланысты жедел телефон желісін іске қосты.
Телефон нөмірі 8 (7142) 50-36-24. Сондай-ақ, жараланған адамдарға психологиялық көмек көрсетіп, қосымша ақпарат беру үшін 122 нөмірі жұмыс істеді. Психологтар жұмыс істеуде.
Естеріңізге сала кетейік, 2016 жылдың 27 шілдесінде сағат 18.00 шамасында Қостанай облысында «Челиябинск-Жітіқара» тас жолының 391 шақырымында «Ивеко Магирус» маркалы көлік Қостанайдан Ресей Федерациясына қарай беттей отырып, жолдың қарсы бетіне шығып кеткен. Соның салдарынан жолаушылар тасымалдайтын автобусқа соқтығысқан.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе