Допинг дауына әлі нүкте қойылған жоқ. Ильиннің ақталып шығуы мүмкін
Лондон олимпиадасы кезінде Илья Ильиннен, Зульфия Чиншанлодан, Майя Манеза және Светлана Подобедовадан алынған қаннан шыққан допингтің мәселесі 18-қазанға қарастырылады.
Бұл туралы BNews.kz өткізген онлайн-конференция кезінде ҚР Мәдениет және спорт вице-министрі Сәкен Мұсайбеков мәлім етті.
«Илья Ильиннің, Зульфия Чиншанлоның, Майя Манеза және Светлана Подобедованың мәселелері 18-қазанда қаралатын болады. Келесі аптаның басында Халықаралық олимпиада комитетінің отырысы өтеді. Онда тәртіптік комиссия біздің спортшылардың мәселесін қарайтын болады” – деді вице-министр.
Мысалы, Ұлыбритания мен Швейцариядан екі кәсіби білікті заңгерлік компания жалданды. Олардың ақысы төленіп қойды.
“Ұлттық олимпиада комитетінің президенті Тимур Құлыбаевтың тапсырмасымен спортшыларымызға қызмет көрсететін заңгерлердің ақысы төленіп қойды, енді тәртіптік комиссия олардың дәйектеріне қарап, шешім шығарады, әрине шешім шығаратын комиссия, жақсы хабар күтетін боламыз, іске объективті баға беріледі деп үміттенеміз” – деді Сәкен Мұсайбеков.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе