Димаштың концерті: бір билеттің құны 84 мың теңгеге дейін барды
Димаш Құдайберген Қытайдағы гастрольдік сапарын бастайды. Қытайлық Weibo әлеуметтік желісіндегі ақпараттарға сенсек, Димаш Құдайберген алдағы күндері Қытайдың бірқатар қаласында ән кешін өткізеді.
Бұл туралы ҚазАқпарат хабарлады. Әнші алғашқы концертін 16 желтоқсан күні «Singer – 2017» байқауы өткен Хунань провинциясының Чанша қаласында өткізуді жоспарлап отыр.
Айта кетейік, отандасымыздың талантына тәнті қытайлық жанкүйерлер концерт билеттерін қазірдің өзінде интернет арқылы сатып алып жатыр.
Билеттердің бағасы 14 мың теңгеден (280 юань) басталып, 84 мың теңгеге (1680 юань) дейін жетеді.
Еске сала кетейік, Димаш ағымдағы жылдың басында Hunan TV «Singer – 2017» ән байқауына қатысып, екінші орын иеленген болатын. Сондай-ақ бәсекедегі отандасымыздың ерекше таланты қытайлық және басқа да елдердің әнсүйер қауымын өзіне қаратты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе