“Димашты да шақырыңдар!”. Елбасы қатысқан арнайы кеште Димаш Құдайберген де қонақ болды (фото, видео)
Мемлекет басшысы Нұрсұлтан Назарбаев Астанада “Ритц-Карлтон” қонақүйінің ашылу рәсіміне қатысты.
Бұл туралы кеше Ақорданың баспасөз қызметі хабар таратты. Елбасы Астанада бес жұлдызды алғашқы халықаралық премиум-класты қонақ үйдің ашылу рәсіміне қатысты. Қонақ үй Talan Towers көпфункционалды кешенінің ғимаратында орналасқан. Нұрсұлтан Назарбаев астаналықтарды, инвесторларды және құрылысқа қатысқан барлық азаматтарды қонақ үйдің ашылуымен құттықтады.
“ЭКСПО-2017” халықаралық көрмесі қарсаңында елорда тұрғындарына тағы бір сыйлық жасалды. Бұл – әлемдік деңгейдегі “Ритц-Карлтон” қонақ үйі. Оның құрылысына сапалы технологиялар мен стандарттар қолданылып, қысқа мерзім ішінде бой көтерді. Бұл – қала инфрақұрылымына салынған зор инвестиция”, – деді Мемлекет басшысы.
https://kaz.365info.kz/men-de-sojtpesem-zhigitter-dimashkha-kharap-boj-tyzej-bastady-foto-264928
Сондай-ақ, Елбасы Құрметті қонақтар кітабына қолтаңба қалдырды. Ал осы шараға байланысты ұйымдастырылған кешке әлемге ерекше дауысымен танылған Димаш Құдайберген келіп, өз өнерімен шашу шашты.
Одан бөлек ығай мен сығай жиналған бұл кешке әлемдік шоу-бизнес өкілдері – Мила Йовович пен Патрисия Каас та қатысты.
Одан бөлек саясат, бизнес, кино, сән әлемінің танымал тұлғалары бұл кеште қонақ болып, арқа-жарқа болысты.
Астананың сол жағалауындағы Talan Towers кешенінің жалпы алаңы – 120 мың шаршы метр.
Онда Talan Towers Offices, “Ритц-Карлтон” қонақүйі, SPA орталығы, бизнес орталығы және Emporium сауда галереясы орналасқан.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе