Димаш коронавирус туралы ән айтты

Димаштың жаңа әні күні-түні еңбектеніп, адамдардың өмірін құтқарып жатқан дәрігерлерге, сондай-ақ пандемия жағдайында адамдардың қауіпсіздігін сақтауға атсалысып жүрген барша мамандарға арналады.

«Қазір күллі әлем коронавирус эпидемиясымен күресіп, қиын кезеңді басынан өткеріп жатыр. Қауіпті індетке қарсы бәріміз бірігіп, осындай қиын кезде бір-бірімізге қолдау көрсетіп қана COVID-19-ды жеңе аламыз.

Күні-түні демалмай, біздің қауіпсіздігіміз үшін жұмыс істейтін медицина қызметкерлеріне, дәрігерлерге, медбикелерге, сонымен қатар полиция қызметкерлері мен қазіргі кезде еңбектеніп жүрген барлық адамдарға алғысым шексіз. Бүгінгі күннің батырлары, оларға құрметіміз бен ризашылығымызды білдіреміз», − деп жазылған видеоның сипаттамасында.