Тәжікстан парламентінің депутаттары 8 қарашада Қылмыстық кодекске өзгертулер қабылдады. Құжат “Бейбітшілік пен ұлт бірлігінің негізін қалаушы – Ұлт лидеріне” көпшілік алдында тіл тигізгендерге жауапкершілік енгізуді қарастырады.
“Ұлт лидері” атағы елдің қазіргі президенті Эмомали Рахмонға берілген.
64 жастағы Эмомали Рахмон Тәжікстанды 25 жылдан астам уақыттан бері басқарып келеді. Өткен айдың аяғында Тәжікстанда қабылданған өзгертулерге сәйкес, ел президенті – Тәжікстан тәуелсіздігінің негізін қалаушы деп жарияланды.