Девальвацияның алтыншы толқыны: банктер де, халық та дайындалуда

Маусымдағы валюта сатылымның күрт артуы күдігімізді растады. Бұл — алдымызда күтіп тұрған девальвацияның белгісі.

Банктер доллар алуға құмар

Шілденің ортасында валюта нарығындағы белсенділік әжептеуір байқала бастады. Сарапшылар Қазақстан Қор биржасының (KASE) валюта нарығындағы сауда көлемінің күрт өскені туралы айта бастады – маусымда ол мамырмен салыстырғанда, 45 пайызға артқан. Биржа мамандарының мәліметтері бойынша, айырбас нарығындағы айналым 1,7 есе артса, спот-нарықта айналым небары 6,4 пайызға көтерілген. Ал 11-шілдеде базалық ставканы күрт (жылдық 15 пайыздан 13 пайызға дейін) төмендеткен Ұлттық банктегілер осымен бір мезетте ақша нарығындағы өтімділіктің құрылымдық пайдасын, яғни, ол жерде әдетте алыпсатарлық операцияларға құятын „артық„ қолма-қол ақшаның болғанын мойындады. Осы басы артық өтімділікті орталық банк нарықтан белсенді түрде алып, оның орнына өзінің бағалы қағаздары – ноталарды ұсынады. Алайда олардың табыстылығы бір мезетте болуы мүмкін теңге девальвациясы болған жағдайда түсетін ұтыстан төмен болады.Сондықтан екінші деңгейдегі банктер валюта қорын жасақтауды жөн көреді — табысы молырақ болады.

Евро да күшейіп барады

Бәрінен бұрын евроның сатылымы өскен — ол 28,6 пайызға артып, 69,6 млн евроға жеткен — бұл жылдың ең жоғарғы көрсеткіші. Рубль бойынша да едәуір өсім қалыптасқан – орыс валютасының сатылымы 8,4 пайызға артып, 10,5 млрд рубльді құраған.