Депутат “Қорғас” орталығының құрылысын басқа жерге көшіруді ұсынды
Мәжіліс депутаты Ерлан Барлыбаев сел қаупі туындауына байланысты Қытаймен шекарадағы “Қорғас” орталығының құрылысын басқа жерге көшіруді ұсынды.
“Ақ жол” партиясы фракциясының мүшесі, парламент мәжілісінің депутаты Ерлан Барлыбаев сел қаупі туындауына байланысты Қытаймен шекарадағы “Қорғас” орталығының құрылысын басқа жерге көшіруді ұсынды деп хабарлады Sputniknews.kz.
Депутат ҚР премьер-министрі Бақытжан Сағынтаевқа cауал жолдады. Оның айтуынша, “Қорғас” орталығын салу үлкен алаңдаушылық тудырады, өйткені оның қазақстандық бөлігі сел қаупі жоғары Қорғас өзені аңғарында орналасқан. Сол себепті, ТЖ жөніндегі комитет “Шүкірбұлақ” бөгетін қосқанда бірнеше құрылыс желісін салуды жоспарлап отыр деп атап өтті мәжіліс депутаты.
Барлыбаевтың мәліметінше, селден қорғайтын кешенді салуға бюджеттен 56 миллиард теңге қаражат жұмсалуы тиіс. Ал, “Қорғас” халықаралық шекаралық ынтымақтастық орталығы құрылысына кететін шығын 46 миллиард теңгені құрайды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз