Қазақстанның V сайланымдағы Парламент Мәжілісінің депутаты, «Қазақстан тұтынушыларының ұлттық лигасының» басқарма төрағасы Светлана Романовская Қазақстанда жосықсыз жарнама жасаған Instagram-жұлдыздарының аккаунттарын бұғаттау туралы ұсыныс білдірді, – деп хабарлайды Tengrinews.kz тілшісі.
«Бұл олардың жауапкершілігінің жоқ екенін дәлелдейді. Адамдарды жаңылыстырмай нені жарнамалап жатқаныңды алдымен тексеріп алу керек. Олар өздеріне тиесілі ақшаны ғана ойлап, оқырмандарының жағдайына пысқырмайды да. Ешқандай қатысымыз жоқ, бізді де басқалар секілді алдап кетті деп ақталудың қажеті жоқ. Олар осы үшін ақша алды. Маған адамдар сенеді ғой деп, жарнама жасайтын тауарыңды алдымен тексеру керек. Менің ойымша, ақшаға бола адамдарды мазақ қылмас үшін алданған оқырмандары көп аккаунттарды бұғаттау қажет», — дейді Светлана Романовская.
«Гарант 24» және «Estate Ломбард» жарнамасы үшін блогерлер мен әншілерді жазалауы мүмкін. Светлана Романовскаяның айтуынша, Желіде жарнама орналастыру талаптарын күшейту керек.
Меруерт Түсіпбаева «Гарант 24 Ломбардын» жарнамалаған әншілер жауапқа тартылсын дейді
«Менің ойымша, әлеуметтік желілерде ақша алып жасалатын жарнамаларды заңдастыру бойынша Парламентке жүгіну керек. Мысалы, теледидар мен радиодағы жарнаманы көргенде, оларды берген заңды компаниялар екенін және белгілі бір көлемде салық төлейтінін түсінеміз. Ал интернетте жарнама жасаған адамдарды ешкім де тексермейді. Ал бұқаралық ақпарат көзі ретінде тіркелмеген Instagram-жұлдыздарын қалай тексереміз, — деп ол сөзін толықтырды.
Сондай-ақ Светлана Романовская тұтынушыларға үндеу жасады. Ол жеңіл пайда туралы кез келген күдікті ақпаратты мұқият тексеруге шақырды.